Өмірбаян

БЕЛИСАРОВА ФАРИДА БЕКСУЛТАНОВНА – теоретикалық және ядролық физика кафедрасының доценті. Белисарова Фарида Бексолтановна 1969 жылдың 20 қаңтар айында Қызылорда қаласында дүниеге келген. 1986–1992 жылдар аралығында әл-Фараби атындағы ҚазҰУ-дың физика факультетінде білім алды. 1992–1995 жылдары Ы.Жақаев атындағы Қызылорда агроөнеркәсіп инженерлері институтында оқытушы болып жұмыс істеді. 1995–1999 жылдар аралығында әл-Фараби атындағы ҚазҰУ-дың физика факультеті теоретикалық физика кафедрасының аспирантурасында оқыды. 2002 жылдан бастап ҚР БҒМ Физика-техникалық институтында инженер болып қызмет атқарды, ал 2004 жылдан бастап әл-Фараби атындағы ҚазҰУ физика факультетінің теоретикалық физика кафедрасында аға оқытушы қызметін атқарды. 2004 жылы «Магниттік диэлектриктердің кейбір бейсызық модельдерін зерттеу» тақырыбында кандидаттық диссертация қорғады. Мамандықтың шифры – 01.04.02 – теоретикалық физика. 2008–2012 оқу жылдары аралығында әл-Фараби атындағы ҚазҰУ физика факультетінің Ғылыми кеңесінің Ғалым хатшысы қызметін атқарды. 2011 жылдан бастап физика-техникалық факультеттің теоретикалық және ядролық физика кафедрасының меңгеруші орынбасары болып жұмыс істейді. 2013 жылдан бастап «6D060400 – Физика», «6D071900 – Радиотехника, электроника және телекоммуникациялар», «6D072300 – Техникалық физика» мамандықтары тобы бойынша диссертациялық кеңестің Ғалым хатшысы қызметін атқарады. Жалпы еңбек өтілі – 21 жыл. Белисарова Ф.Б. – «5В060400 – Физика» мамандығы бойынша 1 және 2 курс студенттерінің куратор-эдвайзері. Ол «Жедел кеңейіп жатқан Ғалам құрылымы мен динамикасын зерттеу. Ғаламның жеделдетілген кеңеюін зерттеудің теориясы мен әдістерін әзірлеу» тақырыбындағы іргелі зерттеу жобасының негізгі орындаушысы болып табылады. Оның 30-дан астам ғылыми еңбегі жарық көрген, соның ішінде бір монография және 4 оқу құралы қазақ тілінде жарияланған. Жарияланған ғылыми еңбектерінің бірі: T.A. Kozhamkulov, P. Yu. Tsyba, K. K. Yerzhanov, Sh. R. Myrzakul, I. I. Kulnazarov. Скалярлы-фермионды Юкава өзара әрекеттесулері және G-эссенция // ҚР ҰҒА Хабарлары. Физ.-мат. сериясы. – 2011. – № 3. – Б. 73–76.